Tere Kalam Diyan Gallan
تیرے کلام گلاں سچی جان پا دیندیاں
میٹھے تیرے نام دیاں گلاں سچی جان پا دیندیاں
ایتھے تھوڑی زندگی، کُج دِناں دا آرام اے
رات بے چینیاں تے دن بدنام نیں
سدا دے آرام دیاں گلاں سچی جان پا دیندیاں
دُکھاں دی دُوپہر جدوں آن کے جلاندی اے
عدن دے باغ دی سویر یاد آندی اے
ٹھنڈی ٹھنڈی شام دیاں گلاں سچی جان پا دیندیاں
اک دن چھڈ جانا دُنیا دے شہر نوں
جدوں اسی اُڈھ جانا ناصری دے شہر نوں
آخری سلام دیاں گلاں سچی جان پا دیندیاں
Comments
Post a Comment