Teri Heikal De Wich Kita Teri Rahmat Te Dehan (Zaboor 48)

 زبور 48

 

تیری ہیکل دے وِچ کیتا تیری رحمت تے دھیان

بھرپُور ہتھ سجا تیرا سچیائی نال رحمان

 

نام پاک جیہا تیرا ہاں تیہی اے خدا

زمین دیاں حداں تیکر حمد تیری ہے سدا

 

عدالتاں تھوں تیری خوش ہے صیحون پہاڑ

یہوداہ دیاں بیٹیاں خوش ہندیاں نعرے مار

 

صیحون دے دوالے پھِرو بُرج گِنو عالیشان

تے اوہدی شہر پناہ تے دِل نال کرو دھیان

 

محل اوہدے سارے ویکھو دھیان کرو خوشی نال

تاں آون والی پُشت نوں دس سکو سارا حال

 

کہ ایہہ خُدا ہمیشہ اساڈا ہے خدا

ہاں ایہو مردے دم تیک ہدایت کرے گا