Mein Gal Khuda Di Suna Ga (Zaboor 85)

زبُور 85

 

میں گل خُدا دی سُناں گا جد کرے گا کلا م

کہ اوہ تے اپنے بندیاں نال پاک لوکاں نال تمام

 

گل کرے گا جو اوس دی بات ہے صلح سلامتی دی

پر چاہیدا ہے جو مُڑئیے نہ ایس گل توں اسی وی

 

ہے مُکتی نیڑے اوہنا ں دے جو رکھدے اوسدا ڈر

تاں ساری دھرتی ساڈی وی جلال دا ہووے گھر

 

سچیائی رحمت آپو وچ ہُن دونویں ملیاں ہین

تے چُمیا ہے اک دوجی نوں سچیائی صلح نے

 

ہُن دھرتی وچوں ویکھو گے سچیائی اُگے گی

سچیائی وی آسماناں تھوں بن جھاتی پاوے گی

 

جو چنگا ہے سو دیوے گا یہواہ بالیقین

تے اپنا حاصل دیوے گی ایہہ ساڈی سب زمین

 

سچیائی اوہدے آگے ہی تد چلدی جاوے گی

تے اوہدے کُھرے پینترے نوں اک راہ بناوے گی